Ad Prosperum

Ad Prosperum szerző: Janus Pannonius

[1]

Quod rudis ingenio talem me terra creavit,
   miraris Tusci, Prosper alumne, poli.
possunt et stulti sub utrolibet aere nasci,
   possunt et quorum fervida corda micant.
Democriti pectus pecorosa Abdera tulerunt,
   crassa dedit tenuem Mantua Vergilium.
tu tamen exemplis, dubitas si credere priscis,
   nos ambo, quales simus, et unde, vide.